جدید پنجابی شاعری
غفلت دے وچ سPتے رہے نیں جاہل عقلوں عاری لوک
پورے شہر نوں لُٹ کے کھا گئے نوسرباز مداری لوک
اوہناں دا تے نسلاں توڑی ذلت کھتہ چھڈدی نئیں
انکھاں دا جو پاس نہ کردے چھڈ دیندے زرداری لوک
اونہاں خاک ہمالہ اُتے جا کے جھنڈے گڈنے نیں
رسماں دی جو کند پچھوکڑ بہہ گئے ہمتاں ہاری لوک
خبرے فجریں اُٹھ کے کاہنوں بدل ارادہ لیندے نیں
انج تے ساری رات سفر دی کردے رہن تیاری لوگ
مینوں تے اک فرض مقدس نپ لٹکایائے سُولی تے
میرے لئی تجویز سزا تے کردے سن سنگساری لوک
پیراں دے وچ وج جاندے نیں سنگل کجھ مجبوری دے
ٹپنے نُوں تے جیلاں دی وی ٹپ گئے چار دیواری لوک
میں نئیں آندا سچ نہ بولیں شاکر چیتے رکھیں ایہہ
تیرے چار چفیرے سارے رہندے نیں سرکاری لوگ
شاکر چیچانوی
شاکر چیچیانوی
No comments:
Post a Comment
Note: only a member of this blog may post a comment.