جدید پنجابی شاعری
رُتوں رُتیں ونڈیندیاں سانولاں، پیلکاں، لالیاں
مُکھڑیو مُکھڑے سجدیاں جُھمکیاں، نتھنیاں والیاں
ہکنڑ نکرتاں ڈوبیاں سوہنڑیاں نخریاں ساڑیاں
ہکنڑے کرتاں تاریاں کوہجیاں، کملیاں، کالیاں
اوکنڑاں سوکنڑاں جردیاں جا بنیرے اپڑیاں
بَھلیے جِنہاں انگوریاں، دُھپاں دُھوڑاں جالیاں
لگدیاں دی لج پالنڑاں کوئی بالاں دی کھیڈ نئیں
یاریاں توڑ نبھانڑیاں، کتھے ایڈ سُکھالیاں
چیتر چاہ چڑھاوندیوں قصے کہانڑیاں پاوندیوں
دل نگری وچ آوندیاں یاداں بن بن پالیاں
مِنتاں زاریاں ساہج کے اوہنوں کدے مناوناں
اساں چج نہ سِکھیا، اُنج پئیاں عُمراں گالیاں
بھانڈا کوئی لے آوندیوں، پور کے سب لے جاوندیوں
ایہہ کے چا لے آوندا ایں، ٹُھوٹھے، تھال، پیالیاں
پکنڑ دی رُت آئی تے جنہاں واہیاں بیجیاں
مُڑ تیاریاں ساہجیاں فصلاں آنڑ سمبھالیاں
ہک پکھنڑوں سی راکھواں اساں سی پال کے رکھیا
بُنڑ لئے جال شکاریاں، سو سو چالاں چالیاں
عابد مِلن فقیریاں، لوڑنے سُکھ سواد وی
رہنڑاں وی منگوال تے بہنڑاں وی کٹھیالیاں
عابد جعفری
اللہ داد خان
No comments:
Post a Comment
Note: only a member of this blog may post a comment.