جدید پنجابی سرائیکی شاعری
واہ واہ وے سانول تیڈے ونڈ ونڈارے
کتھاہیں پانڑی مِٹھڑے کتھاہیں اصلوں کھارے
تیڈیاں رانداں کجھڑیاں، کہیں وی نہ بجھڑیاں
پریں تئیں اوشا ہے پریں تئیں اندھارے
سبھے واہا وکڑے، ولا کیتے تکڑے
اساں نال ڈاندیں دے کیتے کمارے
ایں چھپری دی چھاں نال مٹڑی دے تھاں نال
بکری تیں گاں نال ساڈے گزارے
ساڈے گھر گریڑے تاں کہیں وی نہ سیڑھے
اوکوں آکھو ہنڑ آ کے ماڑیاں اسارے
ساڈی ذات کنگر ہتھیں کٹ دے منگر
ساڈے نال چھچھ ہے تے رچھ دی مہارے
سیف اللہ آصف
No comments:
Post a Comment
Note: only a member of this blog may post a comment.