کجھ گالھیں کر کھلدا وی ہے کھل کھل ولا روندا ودے

 جدید پنجابی سرائیکی شاعری

بوسے دی سک رکھدا وی ہے چم کے ولا روندا ودے

روندا جے نئیں مردا وی ہے خود کوں بچا روندا ودے

لگدے کوئی مخفی راز ہے اندری اندر کو ئی ساز ہے

کیا بھرم ہے تھی نرم ول چولا وٹا روندا ودے

مد اپڑاں در ماری رہے ول ست چکر ماری رہے

ڈیکھو تاں سہی روونڑ کوں وی سمجھ دوا روندا ودے

حاضر تھیساں ہر سال سئیں لگیاں جو ہن لجپال سئیں

ہک ورد ہس صلو علیٰ کر کے ادا روندا ودے

یوسف ہے اپڑے وخت دا نوکر بے گانے تخت دا

صدمے دے وچ لب چول کے کر کر بھرا روندا ودے

سئیں انیجھا روائے سی میر کوں گل لائی ودے ہر لیر کوں

کجھ گالھیں کر کھلدا وی ہے کھل کھل ولا روندا ودے

صادق میر بیگ