جدید پنجابی شاعری
میں تیرے شہروں جو نکلیا ساں مکان چھڈ کے
تے جاپدا سی کی جا رہیا واں جہاں چھڈ کے
نویں تے کونی خواری تِرے نصیب دے وچ
جہان سارا ذلیل ہُندائے زبان چھڈ کے
شگاٹ خطرے دا سُن کے پکھنو فضا دے وچ وی
تلاش کردے نیں آہلنے دی اُڑان چھڈ کے
ایہہ خُون میرے دے قطریاں چوں گُلاب اُگیاے
میں قتل ہویا ساں رستیاں وچ نشان چھڈ کے
خیال میرے دی کیل وچ او ضرور رہنداے
جے کوئی تارا ہو جاوے غیب آسمان چھڈ کے
میں ہف کے ڈِگا واں ساہ تے لے لاں جواب دینا
نکیر بہہ جا میں نس نئیں چلیا زران چھڈ کے
تُو ویکھ شاکر خُدا نے کیسا اے بھرم رکھاے
کہ دوڑ وگیاہے مکار دُشمن مچان چھڈ کے
شاکر چیچانوی
شاکر چیچیانوی
No comments:
Post a Comment
Note: only a member of this blog may post a comment.