جدید پنجابی سرائیکی شاعری
ساکوں ایویں سنڑ
جیویں کہیں توں نکھڑیا کوئی سنڑدے
ادھ رات کوں غزلاں نصرت دیاں
ساکوں ایویں چنڑ
جیویں دال وچو بہہ چنڑدی ہے
کوئی بڈھڑی ہک ہک کنکر کوں
ساکوں ایویں جھنڑ
جیویں ہر شئے ہردا آخری دا
کوئی زندگی لا کے جھنڑ گھندے
ساکوں ایویں پنڑ
جیویں پتر جوان دی میت تیں
کوئی پنڑدے اپنڑی قسمت کوں
اساں تیڈے سنڑیے تھی پوسوں
اساں تیڈے چنڑیے تھی پوسوں
ساکوں ساریاں ہاراں بھل ویسن
اساں تیڈے جھنڑیے تھی پوسوں
حاتم بلوچ
No comments:
Post a Comment
Note: only a member of this blog may post a comment.