جدید پنجابی سرائیکی شاعری
دنیا دارو میں خواب ڈہدا ہاں
میکوں مارو میں خواب ڈہدا ہاں
میکوں پتے میڈی اوقات دا پر
اوقات باہرو میں خواب ڈہدا ہاں
میکوں لگدے جو میکوں نظریے کہیں
نظر اتارو میں خواب ڈہدا ہاں
میڈے کیتے کوئی کھوہ کھٹیندے رہو
رشتے دارو میں خواب ڈہدا ہاں
میڈے یارو وڈی اذیت ہے
میڈے یارو میں خواب ڈہدا ہاں
حاتم بلوچ
No comments:
Post a Comment
Note: only a member of this blog may post a comment.