جدید پنجابی سرائیکی شاعری
من مورکھ من
من مورکھ من دا بھیت سکھی
بس کیچ ڈسے ایہا ریت سکھی
بہہ درد دمان دی تاکڑی وچ
ڈکھ مومل سمیاں سسیاں دے
راہ بھلیاں دا، پندھ اکھیاں دے
روہ، روہی توں سندھ ساگر تئیں
سنڑ سانول سیتی شام کنوں
جگ جوگی رانجھن رام کنوں
سدھ سوچ سمل دے بار اگوں
لکھ موت حیاتی بھوگ سنویں
پر جیون جوت ہک جوگ سنویں
سر سک دے چندر چکور سنواں
من مورکھ من دا بھیت ڈسے
جنڈ، جال، کرینہاں کھیت ڈسے
بس کیچ ڈسے ایہا ریت سکھی
من مورکھ من دا بھیت سکھی
اسماعیل بیگ
No comments:
Post a Comment
Note: only a member of this blog may post a comment.