جدید پنجابی سرائیکی شاعری
پا ضرورت زمانے دی کشکول وِچ
در بدر ہیں اساں رزق دی گول وچ
ساکوں جنت دے جوفے نمازی بنڑائے
غم غریبی دا گُم گار تھۓ دول وچ
ساڈا مذہب عقیدہ ہے غربت ساڈی
ایندا رنگ ہے حیاتی دے ماحول وچ
فرقہ بندی دے فتنے دی تفریق ہے
فرق کوئی نہیں رب دی بھر تول وچ
نہ کوئی مندر نہ مسجد نہ کعبہ چُمیے
بھوئیں دے چکر کٹین غرض دی پھول وچ
بنڑ مسلمان کاشر تے انسان رہ
دین مِلسی ناں مُلاں دے کہیں قول وچ
ارسلان کاشر
No comments:
Post a Comment
Note: only a member of this blog may post a comment.