جدید پنجابی سرائیکی شاعری
اوکوں آکھیں ساونڑ لگ گئے
پکھی چوگ وٹاونڑ لگ گئے
روہی رنگ وچ جھمر رس پئی
جھڑ وی مینہہ وساونڑ لگ گئے
تو وی ماہی ول آ گھر دو
مال وی گھر دو آونڑ لگ گئے
ہجر تیڈا سیوی بنڑ تے
بت میڈے کوں کھاونڑ لگ گئے
کہیں جو آکھس چھیکڑی ساہ ان
میڈو پھیرا پاونڑ لگ گئے
میں جو آکھے پتھر دل ایں
اکھیں ککھ اٹکاونڑ لگ گئے
ڈکھ ڈسکیں ڈسکار بھریا تھئے
گل باہیں ول پاونڑ لگ گئے
میں جو پچھم پیار کریندیں
چچرا تھی الاوانڑ لگ گئے
آکھس ڈاڈھا پیار کریندا
ہجر کوں پڑھ سنڑوانڑ لگ گئے
میں جو آکھیم کوڑ مریندیں
چٹا سر ڈکھلاونڑ لگ گئے
میں جو آکھیم میڈا ہیں توں
منہ تے بوچھنڑ پاونڑ لگ گئے
میڈیاں ہنجھوں اگھ تے ول او
اپنڑاں یار مناونڑ لگ گئے
چم تے صائم میڈیاں اکھیں
اکھیں سرما پاونڑ لگ گئے
تھال میندی دا چا تے ول او
پیریں میندی لاونڑ لگ گئے
آکھ تے میکوں سوہنڑاں تھی گئیں
کالا ٹکا لاونڑ لگ گئے
اکھیں نال الانونڑ کوڑ ہا
او تاں نین لڑاونڑ لگ گئے
ہتھ سدھے کر میندی آلے
ول او لب مسکاونڑ لگ گئے
چال اوندی تے عاشق تھی تے
مور وی پیلاں پاونڑ لگ گئے
میں جو آکھیم ساونڑ مک گئے
او وی مونجھ مکاونڑ لگ گئے
بنڑ تے بال بلاویں ہتھیں
ساری کھیڈ ونجاونڑ لگ گئے
صائم سیف
No comments:
Post a Comment
Note: only a member of this blog may post a comment.