جدید پنجابی سرائیکی شاعری
محبت ہِک تماشہ ہے، تماشہ منہ تے آ لگدائے
اَجاں ہِک شخص بُھلدے نَئیں، جو بِیا منہ تے آ لگدئے
میڈا مالک، کوئی بندہ ساڈے قد دے برابر مُنج
اَساں کینجھا سوچیندے ہئیں، تے کینجھا منہ تے آ لگدئے
اُوکوں پَک ہے جو کالج وِچ میڈیاں کئی ڈِھگ محبتاں ہن
مگر وَستی دو وَلداں تاں، سنیہا منہ تے آ لگدئے
اے دنیا ہے، تعلق نئیں اِتھاں زر نال یاری رکھ
تعلق بُھک تُوں مر ویندائے، بھروسہ منہ تے آ لگدائے
تُوں بَھج پوندائیں جو ہر پاسُوں میتھے پُھلاں دی برسات اے
یَکّے پُھل، پُھل وی نئیں ہوندے، کُئی کنڈا منہ تے آ لگدائے
مَیں زندگی دے ہِک اِینجھے موڑ تے پہنچا کھڑاں اسفند
جِتھاں جیڑھا قدم چاواں، او وَلدا منہ تے آ لگدائے
نوشیروان اسفند
No comments:
Post a Comment
Note: only a member of this blog may post a comment.