جدید پنجابی شاعری
رُکھ ساوے تے گُوڑھیاں چھانواں
میرے پنڈ دیاں کُھلیاں تھانواں
رحمت رب دی ٹھاٹھاں ماردی
جس پاسے وی میں ٹُر جاواں
سارے جی رجا دیندیاں سن
بُوریاں مجاں، دیسی گانواں
گُوڑھے سن سب ساک تے رشتے
گل نوں پیندیاں بھجیاں بھانہواں
سارا پنڈ ای اپنڑا گھار سی
بھانویں جیہڑے گھر وڑھ جاواں
صدقے واری ہو ہو جاندے
ماسیاں مامے، پیو تے مانواں
میرا پنڈ اے جنتاں ورگا
کیوں میں دل دے بھیت لُکانواں
قاسم سرویا
No comments:
Post a Comment
Note: only a member of this blog may post a comment.