جدید پنجابی سرائیکی شاعری
حُسن دریا دے وانگ ہے سانول
عشق موسیٰ دی ڈانگ ہے سانول
اِتھ کرنسی دی کوئی قیمت نئیں
کھوٹے سکے دی مانگ ہے سانول
جو تیڈی آستین وچ پلدے
میڈے حصے دا نانگ ہے سانول
توں جیکوں تُرسمجھ کے چاتی آئیں
چِھل کے ڈیکھیں تاں کانگ ہے سانول
کیا مصیبت ہے بے خیالی وی
ذہن خالی ہے پھانگ ہے سانول
ساہ نکلسی تاں ساہ نکل ویسی
وقت ظالم ویانگ ہے سانول
آ زرا مارکیٹ تائیں تھی آوں
ہر محلے مہانگ ہے سانول
میڈے پٹکے تاں سر لہائے میڈا
تیڈے بوچھن تے دانگ ہے سانول
بھاویں وت کوئی نواں عذاب آ گئے
اج تاں بے وقت بانگ ہے سانول
اقبال سوکڑی
No comments:
Post a Comment
Note: only a member of this blog may post a comment.