جدید پنجابی سرائیکی شاعری
دنیا
ناں زُلف دے وَلے ڈیکھیں توں
ناں مُکھ مہتاب دی کھِل ڈیکھیں
جے ٹُرنائیں نال تاں لازمی ہے
ساڈی گاھل سنڑیں ساڈا دل ڈیکھیں
تیکوں زخم ڈکھیسوں کیا ہوندن
عباس دا واسطائی مل ڈیکھیں
گل لگ کے نبضاں روک ڈیویں
پچھیں ہر ہک زخم کوں چھِل ڈیکھیں
انسان ہائیں جند، اساں دنیا نئیں
انسان سمجھ کے خیال رکھیں
جڈاں مُکدِن رشتے کیا تھیندائے
ذرا سنڑ پر آپ تائیں گاھل رکھیں
بندے چیزاں ڈے کے آھدے ہن
بھاویں اج بھیجو یا کل بھیجو
ہر حال ہچ او شئے واپسی ڈیو
کوئی کڈھ کے ساکوں حَل بھیجو
تساں آپ نئیں آندے ناں آوو
کئیں شخص دے ہتھیں گھَل بھیجو
بندے کیویں تحفے ڈے کے تے
پچھیں فون کریندن وَل بھیجو
اساں زندگی ڈتی ہے تحفیاں وچ
نالے میخاں نال ہے جِبھ سیتی
ساڈا دل رہ گئے کہندے پرس دے وچ
اساں اج تئیں اف تک نئیں کیتی
بندے چیزاں منگدن ڈے کے تے
پچھیں فون کریندن ول بھیجو
بندے کیوں جھا جھا تے بہہ کے
کٹھے کھادے نمک کوں بُھل باہندن
جیڑھا کجھ ڈینہہ پہلے جان ہوندائے
اوں جان کوں مارنڑ تُل باہندن
کیوں دل جئی شئے کوں ویچ ڈیندن
کیویں پیراں تانڑی کُھل باہندن
ہک شخص کوں چھوڑ کے دنیا وچ
شودھے جھا جھا تے کیوں رُل باہندن
کیوں جھا جھا دھوکے کھاندے ہن
نقصان تاں ہک وی بہوؤں ہوندائے
ہووے چنگا خون تاں یاد رکھیں
انسان تاں ہک وی بہوں ہوندائے
ساڈی زندگی وچ کئی لوک آندن
جائیں چاہت کیتی نئیں ہوندی
ساڈی اکھ ہچ پیار دی مئے پیندن
بھاویں کدی وی پیتی نئیں ہوندی
پہلے گاھل کریندن قبراں تائیں
کجھ ڈینہہ تک ڈی پی نئیں ہوندی
بندے آندن صرف ڈوپہریں تک
انہاں شام دی نیتی نئیں ہوندی
اساں اوکھے لوگ ہائیں جند جیوی
ساڈو اجڑ کے آ ڈکھ چھک کے آ
جے ٹرنائیں نال تاں بسم اللّٰہ
پر دنیا سائیڈ تے رکھ کے آ
نوشیروان اسفند
No comments:
Post a Comment
Note: only a member of this blog may post a comment.