ساڈے نال سرائیکی بولا کر

 جدید پنجابی سرائیکی شاعری

ساڈے نال سرائیکی بولا کر

جے چاہندا ہیں تیڈا لہجہ وی

کھنڈکھیر تے ماکھی تھی ونجے

وت آپڑاں لہجہ گھولا کر

ساڈے نال سرائیکی بولا کر

توں یار میڈا بہوں پیارا ہیں

چن اکھیاں دا تارا ہیں

وت ہک کم میڈا ڈھولا کر

ساڈے نال سرائیکی بولا کر

آسمان توں چن پائی جھاتی ہے

تئیں نیلی اجرک پاتی ہے

نہ آپڑے آپ کوں ہولا کر

ساڈے نال سرائیکی بولا کرہ

جیویں مضطر ماء دی لولی ہے

ایویں مٹھڑی ساڈی بولی ہے

کجھ پیار دا رس وی گھولا کر

ساڈے نال سرائیکی بولا کر

مضطر کاظمی