جدید پنجابی سرائیکی شاعری
اج پچھداں صاحب ایمان توں میں
ہر غیرت مند انسان توں میں
اج گال کریساں سچی میں
تھوڑی کڑوی ہے پر سچی ہے
ہتھ بدھ کے عرض کریندا ہاں
میں چاتے قلم بغاوت دا
انہاں لوکاں نال عداوت دا
جیرھے دین دے قاعدے بھل بیٹھن
جیرھے جگ تے عاشق ہُل بیٹھن
جیرھے یار دا مطلب جانڑدے نئیں
جیرھے پیار دا مقصد جانڑدے نئیں
انہاں لوکاں کیتے عرض اے ہے
اساں کیدو نال کھڑے ہیں تھئے
اساں رانجھے نال نِسے کھڑدے
اساں اینجھی ہیر کوں بھا لئیندوں
اساں اوں ہمشیر دے ویر نسے
جیہری چوریاں کٹ کے چا ونجے
ہتھ نال کھواوے غیریں کوں
او ہیر ضمیر دی قاتل ہے
او اپنے ویر دی قاتل ہے
او پیو دی پگ دی دشمن ہے
او رانجھا وی او رانجھا نئیں
جیندا مال چراوے اوندی ول
جیندا نمک کھاوے اوندی ول
ول عزت رولی راہوے او
اساں اوں رانجھے دے یار نسے
اساں کیدو نال کھڑے راہسوں
اے رانجھا ہیر تے کیدو وی
ساڈے اپنے ظلم توں بنڑدے ہن
حق دھی کوں ہووے بولن دا
ول رانجھا غیرت مند ہووے
جیرھیاں لک لک ملن رانجھے کوں
او ہیراں ہیراں نی یارو
جے رانجھے عزت دے دشمن ہن
او رانجھے رانجھے نئیں یارو
جے ہیراں رانجھے ایویں رہ
ایجھے عشق کنؤں بیزار ہسے
اساں واقف غیرت مند ہِہسے
اساں کیدو نال تاں کھڑ سگدوں
اساں رانجھے نال نسے کھڑدے
مناف واقف
No comments:
Post a Comment
Note: only a member of this blog may post a comment.