جدید پنجابی شاعری
یاد
ورہیا وے ورہیا
جاندے ہوئے ورہیا
تیرے نال جُڑیاں نیں
یاداں کُجھ سوہنیاں
اتے من موہنیاں
پر کُجھ ہوئیاں وی نیں
یار انہونیاں
خورے کدوں تک جہناں
اکھاں نیں بھیونیاں
کُجھ پل چاہتاں دے
نال تُوں پروئے نیں
کُجھ پل ہنجوواں چہ
یار تُوں ڈبوئے نیں
کدھرے تے بیج تُوں
محبتاں دے بوئے نیں
کدھرے دو پیار بھرے
دل وکھ ہوئے نیں
خُشیاں وی تکیاں تے
دُکھ وی اے جریا
تینوں جاندا ویکھ کے
ایہہ دل اج بھریا
ورہیا وے ورہیا
جاندے ہوئے ورہیا
طلحہ بن سہیل
No comments:
Post a Comment
Note: only a member of this blog may post a comment.