جدید پنجابی شاعری
سُن وے یار محمد بخشا
یار محمد شور بڑا اے
سمجھ نہ آوے کائی
ٹِبیاں نوں پئے پربت آکھن
تے پربت نوں رائی
یار محمد شور بڑا اے
سمجھ نہ آوے کائی
کہنوں دئیے دوش اساں ہُن
کنہے اَت مچائی
یار محمد قلماں وِکیاں
پِھکی پئی رُشنائی
غیرت لوبھ دا موہرا پَھکیا
حق دی ہوئی رسوائی
یار محمد ہر کوئی ایتھے
وانگوں رُکھ کھجور
سارے جگ نوں نِیواں تکن
خلقت ہتھوں دُور
یار محمد نِت ہی ایتھے
ون سوَنا شور
سبھ دے دوہرے رُوپ نیں ایتھے
چور وی آکھن چور
عروہ بن سہیل
No comments:
Post a Comment
Note: only a member of this blog may post a comment.