جدید پنجابی شاعری
عشق دا پیچا پا بیٹھی آں
چندرے نہ نیو لا بیٹھی آں
کُھلا ویخ کے دل دا بوا
اندر چاتی پا بیٹھی آں
ہجر دا بالن کر کے کٹھا
ہجر دی پٹھی لا بیٹھی آں
ہتھاں نال اُسارے جیڑے
محل او سارے ٹھا بیٹھی آں
مدت ہوئی لبدیاں مینوں
کدرے یار گنوا بیٹھی آں
جتھوں خیر کدی نہ لبھی
اوس دوارے جا بیٹھی آں
چنگی پلی سیانی ساں میں
فیر وی توکھا کھا بیٹھی آں
شمیم چودھری
No comments:
Post a Comment
Note: only a member of this blog may post a comment.