جدید پنجابی شاعری
کیہ کرئیے جی سارے پاسے رکھنے پیندے نیں
میں کلی نوں چارے پاسے رکھنے پیندے نیں
دن نوں رات تے رات نوں دن بناؤنا پیندا اے
سورج، چن ستارے پاسے رکھنے پیندے نیں
ایہ قانون دی بالا دستی ماڑے لئی اے بس
ہر قاضی نوں بھارے پاسے رکھنے پیندے نیں
ساڈا ملنا کجھ اس لئی وی چبھدا اے دنیا نوں
سانوں دنیا دارے پاسے رکھنے پیندے نیں
طاہرہ پیار ءچ انج دا وی اک ویلا آؤندا اے
خوابیں محل اسارے پاسے رکھنے پیندے نیں
طاہرہ سرا
No comments:
Post a Comment
Note: only a member of this blog may post a comment.