جے کر بھکھا رہنا ای تے ڈھڈ تے پتھر بھارے لا

 جدید پنجابی شاعری

جے کر بُھکھا رہنا ای تے ڈِھڈ تے پتھر بھارے لا

جے تبدیلی چاہنا ایں، آ سڑکاں اُتے نعرے لا

پھل بوٹے ایس دھرتی اُتے، اسماناں تے تارے

ویلہا بے بے اک گیاں ایں اپنے آپ نوں آرے لا

ہو سکدا اسی مُڑ وی آئیے، نہیں تے کلا جشن منا

رنگ برنگیاں جھنڈیاں نالے گلیاں وچ غُبارے لا

پنج دریاواں ہتھ کِھچیا تیرے توں زرخیزی دا

خُشک زمین نہ بنجر ہو جائے پانی بھانویں کھارے لا

نہ گھسیٹ اینہاں ڈُونگیاں پانیاں، ایڈے اسی تراکو نہیں

ڈُبنا ای تے ڈُب جا آپے، سانوں ذرا کنارے لا

دل دی ہٹّی اُتے کوئی بنیا اسی بٹھایا نہی

چُک لے سارا آپ منافع، ساڈے ول خسارے لا

انہے شہر چے سڑدے لوکی، رُل رُل کنویں مرن طراز

دِیوے بال اینہاں گلیاں دے وچ، چوکاں وچ پھوارے لا

فاروق طراز