جدید پنجابی شاعری
اکھ دے بوہے آئے اتھرو پیواں یا فر روہڑ دیاں
صبرے نال وفا دا رشتہ رکھاں یا فر توڑ دیاں
تیرے نالوں وی کندھ اچی بن جاوے گی بختا وے
جالے ہوئے دکھڑے جے میں تھلے اتے جوڑ دیاں
مینوں عشق سکھایا اے بس پن کراں تے دان کراں
خالی ہتھ بلاواں بوہے آئیاں کسراں موڑ دیاں
میرے باجھ کسے وی تیرا بانہہ بیلی نہیں بننا اوئے
آ جا ہجر کلیہنیا پوری کر میں تیری تھوڑ دیاں
سولاں اتے ساہ لیندے میں پھل تکے نیں باغے وچ
انجم کنڈے مکنے نہیں، آس دی بیڑی بوڑ دیاں
انجم رانا
No comments:
Post a Comment
Note: only a member of this blog may post a comment.