جدید پنجابی شاعری
زخماں نوں پھل چوبھاں نوں میں خوشبو لکھدا رہساں
جاپن جیہڑے موتی، ایسے ہنجو لکھدا رہساں
درد عنایت ہوسن جیہڑے مینوں تیرے ولوں
میں تے اوہناں درداں تائیں دارو لکھدا رہساں
میرا عزل سلامت رکھے بازو بخشن والا
میں طوفانی چھلاں نوں وہ چپو لکھدا رہساں
جنہاں دہ رُشنائی نوں پیا مُڑ مُڑ ویکھے ویلا
ویلے دے رُخسار تے ایسے اتھرو لکھدا رہساں
بھانویں رات ہنیری ہووے میں نئیں ویلا بہناں
میں اس کالی تختی اُتے جگنو لکھدا رہساں
اک مِری ماں بولی دُوجی قومی بولی انور
میں پنجابی لِکھدا رہساں اردو لکھدا رہساں
انور مسعود
No comments:
Post a Comment
Note: only a member of this blog may post a comment.