جدید پنجابی شاعری
چتر کوکدا اے، چترکار کیہڑے کھیکھن گُنھیا وِچ تحریر سائیں
چولے کاغذی ساریاں مُورتاں دے بے دسّیاں بے تقصیر سائیں
کار کار نہ پُچھ اکلاپیاں دی پتھر جِند نوں سِک عذاب اندر
شاموں فجر اُڈیکدے کڈھ لئیے دُدھ نہر پہاڑ نُوں چِیر سائیں
سَدّھر اتھری شوق شہادتاں دی مقناطیس وانگوں کھچ ماردی اے
سینے وِچ تلوار دے ساہ اوکھا کڈّھی چھاتیوں دھار شمشیر سائیں
سُرتاں ہو ہشیار چالاک بھانویں جال کناں دے لکھ وچھان پیّاں
پنچھی غیب دا اپنی گل وِچلی، نہیں پھڑکدے وچ تقریر سائیں
غالب پینکھڑاں وِچ نہ رہواں پَیراں ہیٹھ چواتیاں بجھّیاں نیں
کُنڈل سیکیا وال ہے سنگلی دا جیہڑی سنگلی اساں اسیر سائیں
مرزا غالب دی غزل؛ نقش فریادی ہے کس کی شوخئ تحریر کا
غزل دا پنجابی ترجمہ؛ اسیر عابد (غلام رسول)
No comments:
Post a Comment
Note: only a member of this blog may post a comment.