جدید پنجابی سرائیکی شاعری
پھلاں دے سنگ خار وی ہوندن
جگ تے انج دے یار وی ہوندن
گلشن دا راکھا عاشق نئیں
پھل پتیاں کاروبار وی ہوندن
جناب دا شجرہ منیاں اچااے
بندیاں دے پر کردار وی ہوندن
پیشہ ور نئیں ہوندے سارے
کجھ منگتے حقدار وی ہوندن
توں تے اوہو ارلی منڑ تے
کئیں دے سجنڑ پار وی ہوندن
سکھ دی پیگھ تے ویلے ہتھوں
دکھاں دے کجھ بھار وی ہوندن
ثمر نئیں ہر دی منزل اوکھی
کئیں دے راہ ہموار وی ہوندن
اشرف ثمر
No comments:
Post a Comment
Note: only a member of this blog may post a comment.