پنجابی پہاڑی کشمیری شاعری
گُلِ لالہ دے رنگ دا رنگ دِکھو
بِچ قطاراں پُھلاں دا سنگ دکھو
زبرون دی اتھے چہول سوہنی
ڈل جھیل گمانڈے ٹہنگ دکھو
ایشیا اندر اُچا بڑا نظارا
ایہ دنیا ہوئی ہے دنگ دکھو
نیڑے حسن چِھک آنے سجناں کو
پُھل خوشی دا کردے جنگ دکھو
ہے دل لگن دا ماحول سوہنا
بلبل ہوئے اتھے ملنگ دکھو
دلبر کشمیر دے نظارے خاصے
ایہجے نِکے بڑے پرسنگ دکھو
خواجہ پرویز دلبر
No comments:
Post a Comment
Note: only a member of this blog may post a comment.