جدید پنجابی شاعری
کشمیر دی دھرتی
ورھیاں توں کشمیر دی دھرتی
بہشتاں دی تصویر ایہہ دھرتی
اپنے دیس چہ کشمیری تے
تنگ ہوئی کشمیر دی دھرتی
مودی تینوں دینی پینی
ساڈی اے جاگیر ایہہ دھرتی
تیرے ظلماں رتی کیتی
ساوی ایہہ کشمیر دی دھرتی
وڈھ کے تینوں رکھ دیوے گی
دو دھاری شمشیر ایہہ دھرتی
باطل نوں پئے ملدے تمغے
بلدی پئی کشمیر دی دھرتی
کافرو تہانوں مل نئیں سکدی
جنت وانگ نظیر ایہہ دھرتی
مظلوماں لئی گھل فرشتے
آن بچا کشمیر دی دھرتی
ربّا! تیری ذات اے وڈی
دے دے ہن کشمیر دی دھرتی
اج بچا لو جاناں دے کے
اپنی ایہہ کشمیر دی دھرتی
سحر دعا اے پاک ہو جاوے
کافراں توں کشمیر دی دھرتی
رضوانہ سحر ہاشمی
No comments:
Post a Comment
Note: only a member of this blog may post a comment.