چپ اے تار حویلیاں چپ ان

 پنجابی سرائیکی شاعری

چُپ اے تار حویلیاں چُپ ان

سینگیاں سنگ سہیلیاں چپ ان

باہیں چپ ان ونگاں چپ ان

بیریں چپ ان چڑیاں چپ ان

کانگے چپ ان تانگھاں چپ ان

سانگے چپ ان سانگاں چپ ان

لہندی شام دیاں لالیاں چپ ان

والیاں، کنیں والیاں چپ ان

بھالے بھال سنبھالاں چپ ان

دیدیں دیاں درسالاں چپ ان

رستے چپ ان گلیاں چپ ان

چنڑکے چپ ان ٹلیاں چپ ان

اولوں چپ ان شانداں چپ ان

لک چھپ لک چھپ رانداں چپ ان

تاکیاں بھاکل پاتیاں چپ ان

جھات کریندیاں جھاتیاں چپ ان

پلکاں چپ ان نمیاں چپ ان

ہیلاں چپ ان دھمیاں چپ ان

ڈیوے بال چوبارے چپ ان

نال مسیت منارے چپ ان

کنگریں تردے تارے چپ ان

چپ اے جینویں سارے چپ ان

کہیں پاسوں کئی کؤ نئیں آندی

ہوئی انڑ ہوئی دی ہو نئیں آندی

ہنڑ تاں نیناں نال نماشاں

کھیڈنڑ وی لک چھپ نئیں آندی

ستری چتری چنی وانگے

رات اندھاری گھپ نئیں آندی

مونجھی ماندی کہیں دے ناں دی

چھاں نئیں لہندی دھپ نئیں آندی

ہیں ڑی تیکوں چپ نئیں آندی

عزیز شاہد