جدید پنجابی شاعری
محل اُساریا سنگ مرمر دا گھر بنا نہیں سکیا
سُکا باغ اُگایا پر میں مینہہ ورسا نہیں سکیا
اک اک کر کے سارے ویری مار مکائے باہروں
گھر دے اندروں پر میں اپنا ویر مُکا نہیں سکیا
چار چفیریوں چلے تیر نشانے تے نہیں لگے
پر اوہ نظراں دے تیراں توں دل بچا نہیں سکیا
اوہ پتھر دل منیاں ہی نہیں لکھ منایا اوہنوں
رو رو رب منا لیا پر میں یار منا نہیں سکیا
جس تے مان جنید کراں میں جس دے ناز اُٹھاواں
اج تیکر میں ایسا سوہنا بُت بنا نہیں سکیا
جنید اکرم
No comments:
Post a Comment
Note: only a member of this blog may post a comment.