جدید پنجابی شاعری
رُوپ سی اوہدا پریاں ورگا مورنی ورگی چال
ویکھ کے سُرت گواچی میری، بھیڑا ہویا حال
اکھ سی اوہدی ہرنی ورگی زُلف جوں کالی رات
نتھلی لشکاں ماردی جد کُھل کُھل جاندے وال
حُسن اوہدے مینوں قیدی کیتا بُھل گئے ہور خیال
وکھری اوہدی گل سی جگ توں وکھرا رُوپ جمال
پلّو مُکھ توں لاہ کے سجنوں جدوں دِتا اوس دیدار
چن جیہا مُکھڑا ویکھ کے سُورج ٹُر پیا نالو نال
سلیم صفت رحمان دی کر جہڑا جگ دا پالنہار
اوتھے صُورت کم نہیں آنی اوتھے کم آنے اعمال
محمد سلیم
No comments:
Post a Comment
Note: only a member of this blog may post a comment.