پنجابی سرائیکی شاعری
بجھارت
جیویں کوئی کم ادهورا رہ ونجے تے یاد نی آندا
جیویں جذبے سجاکے تهی ونجن تے چین نی آندا
جیوںں کہیں انڑ ڈٹهی شئے دا ہمیشہ خوف راہندا ہے
جیویں ہونڑ تے ناں ہونڑ دے بالکل درمیاں دے وچ
خلا دا راج ہوندا ہے
اینویں میکوں میڈے اندر کوئی محسوس تھیندا ہے
کڈاہیں او ناخدا لگدے
کڈاہیں او رام لگدا ہے
کڈاہیں میکوں سزا لگدے
کڈاہیں انعام لگدا ہے
کڈاہیں تپدی ڈوپہر ہوندے
کڈاہیں او شام لگدا ہے
میں اوکوں آپڑیں اندر وچ گولیندا رہ وینداں خالد
او میکوں گزریے ویلھے دی کوئی گزران لگدا ہے
پتہ نی او میڈا اندر ہے یا ہمزاد ہے میڈا
اجاں تئیں بجھ نمھی سگیا
بجھارت آپڑیں ہوونڑ دی
خالد پرویز
No comments:
Post a Comment
Note: only a member of this blog may post a comment.