پنجابی عارفانہ کلام
بن کملی، کملی والےﷺ دی پھراں طیبہ دے بازاراں وچ
میں اپنا ناں لکھوا آواں اوہدے در دے خاص میخواراں وچ
اوہﷺ اکو اک تے سوہنا ایں جہنوں چینیاں رب اکبر نے
توں سینکڑیاں وچ لبھناں ایں اوہدی مثل نہیں لکھ ہزاراں وچ
سوہنےﷺ نوں سلاماں کرن لئی سوہنے دی چوکی بھرن لئی
دن رات فرشتے اوندے نے کر ادب آداب قطاراں وچ
میں یار دے نام نوں چھڈنا نئیں کہندے سی بلالؓ اُمیہ نوں
توں نال خوشی دے ماری جا مینوں مزا ہے اوندا ماراں وچ
ابوبکرؓ عمرؓ عثمانؓ علیؓ ایہہ راکھے دین اسلام دے نے
ایہہ یار نے کملی والے دے پا فرق نہ ایہناں چاراں وچ
لج پال زمانے سارے دا اوہﷺ لاڈا رب اکبر دا
امت دی بخشش دی خاطر رہیا روندا سوہنا غاراں وچ
سونہہ رب دی نیازی فکر نئیں محشر دا اوگہناراں نوں
سنیاں ایں کملی والےﷺ نے ہونا ایں اوگہناراں وچ
عبدالستار نیازی
No comments:
Post a Comment
Note: only a member of this blog may post a comment.