جدید پنجابی شاعری
سنگی یار نیں ککھاں دے
سب سنسار نیں ککھاں دے
پَکّے کوٹھے کیہ جانن
جنگل بار نیں ککھاں دے
چِنگاں، واء ورولے، مینہ
کِنّے یار نیں ککھاں دے
آپ وی چِٹّے ہو جاندے
ڈاہڈے بھار نیں ککھاں دے
ساتھوں بھارا ہووے کون
چرج وِچار نیں ککھاں دے
بُلّیاں پِچّھے اُڈ پیندے
نویں وِہار نیں ککھاں دے
وَٹّا نہ بَن! ڈُبّیں گا
بیڑے پار نیں ککھاں دے
ساڈیاں نِگّھاں *کھوری نال
”ککھ ای یار نیں ککھاں دے“
یعقوب آسی
No comments:
Post a Comment
Note: only a member of this blog may post a comment.