جدید پنجابی شاعری
اوہدی گل نئیں موڑی جاندی
پیار دی راہ نئیں موڑی جاندی
جے کر ہووے سچی یاری
بُھل کے وی نئیں موڑی جاندی
دل وچ مینوں لبھدی کوئی نئیں
ایدھر اودھر لوڑی جاندی
ہو جاندی اے خرچ کمائی
میتھوں نہیں جے جوڑی جاندی
دھرتی اُتے بُھکھ نئیں مکدی
دنیا چن تے دوڑی جاندی
میں وی چن تے ٹُرا جاناں سی
جے کر اوتھے پوڑھی جاندی
میرا نام اوہ جپدی عاکف
چھاتی ہو ہو چوڑی جاندی
عاکف غنی
No comments:
Post a Comment
Note: only a member of this blog may post a comment.