جدید پنجابی شاعری
میں کیکر یار مناواں
دل کس نوں کھول وکھاواں
کوئی سکھیو چارا لاؤ
کنج دل جھلا پرچاواں
میں دل نوں آپے لائیاں
ہن کیویں روگ ہٹاواں
چھڈ چلیا رانجھن ماہی
پئی کونج طراں کرلاواں
اوہ دل دی گل ناں دسے
میں ایویں پیار جتاواں
جے ہار کے تینوں جتناں
توں جتیں میں ہر جاواں
مکھ تیرا ویکھ لواں تے
غم اپنے میں بھل جاواں
توں نیڑے ہو کے بیہ جا
میں دل دا حال سناواں
ہن کدی ناں وکھرے ہوئے
میں رب تو کراں دعاواں
جے اس توں وکھری ہوواں
رب کر کے میں مر جاواں
رضوانہ سحر ہاشمی
No comments:
Post a Comment
Note: only a member of this blog may post a comment.