جدید پنجابی شاعری
دل اچ ہجر دے جالے لگے
متھے دیس نکالے لگے
روٹی پچھے ایڈا رُجھے
سوچ بُوہے نوں تالے لگے
میرے اندر ساون وسیا
اکھاں نہیں پرنالے لگے
ناں دے نال حسین کی لکھیا
پچھے برچھیاں آلے لگے
بھکھ تے رج دیاں دو رہواں سن
اسیں فقیر وچالے لگے
مزدوری توں صدقے جاواں
دُھپ لگی نہ پالے لگے
سُکھ سدا اے جُتی ورگا
نالے پیریں نالے لگے
سدا عابدی
No comments:
Post a Comment
Note: only a member of this blog may post a comment.