پنجابی سرائیکی شاعری
جیلھے حیاتی ساری دا نقصان چئی ودن
کیوں لوک وت منافعے دا امکان چئی ودن
بندے خدا دے نال نہ ڈائریکٹ تھی ونجن
کُجھ پیر سینے وچ ایہو ارمان چئی ودن
اج بھوئیں وی لوکیں واسطے تنگ کر ڈتس خدا
آ ڈیکھ لوک بسیں تے گُستان چئی ودن
پڑھن دی لوکیں کوں سِرو زحمت کڈی نی تھئی
پُچھو تاں سر تے کئی دفعہ قرآن چئی ودن
جیرھے کڈاہیں ماء کوں وی اصلو نہ جی کرِن
تیڈے کیتے ہتھیلی تے جند جان چئی ودن
گھنٹے دا کم نی جانیاں پنج ست ڈیہوار سُن
شاعر تاں تیڈے لئو یکا دیوان چئی ودن
دلشاد جیرھے مُونڈھے تے ہِک من نہ چا سگن
سُنڑدے ہیں اُوہے سِر اُتیں اسمان چئی ودن
دلشاد ملکانی
No comments:
Post a Comment
Note: only a member of this blog may post a comment.