پنجابی سرائیکی شاعری
جڈاں تئیں محبت بُھلا ڈیونڑی ہے
اساں اپنی زندگی مُکا ڈیونڑی ہے
مریندا ہیں ساکوں غریبی دے طعنے
اساکوں وی روزی خُدا ڈیونڑی ہے
محبت دا ناں سُنڑ تے چھرکیاں بھریسے
ایں دل کوں ایہو جیں سزا ڈیونڑی ہے
جیندی دید سینے دے اندر نی پوندی
بشارت اوں محشر دی کیا ڈیونڑی ہے
جیڑھی قوم نِندراں کرے اکھ نہ بھالے
خُدا قوم ایجھی مٹا ڈیونڑی ہے
خبر ڈیسوں نازش ازل توں حشر تئیں
جڈاں ساقی ڈو گُھٹ پلا ڈیونڑی ہے
صوفی نجیب اللہ نازش
No comments:
Post a Comment
Note: only a member of this blog may post a comment.