پنجابی سرائیکی شاعری
کر کُئی حیلہ ڈیکھنڑ چہنداں
پیار دا رستہ ڈیکھنڑ چہنداں
تیڈی شال کوں ڈیکھنڑ کیتے
زور سیالہ ڈیکھنڑ چہنداں
مونجھ ہنڈیندیں مد گزری ہے
یار دا چہرہ ڈیکھنڑ چہنداں
کھل الوا تے ڈیکھ تاں سہی میں
اپنڑاں حوصلہ ڈیکھنڑ چہنداں
میں وی کتنا پاگل تھی گیاں
میں وی کیا کیا ڈیکھنڑ چہنداں
میکوں نہ مل تیڈا گھر میں
ھسدا وسدا ڈیکھنڑ چہنداں
دنیا ساری دشمن ھووے
تیکوں اپنڑا ڈیکھنڑ چہنداں
تیکوں ثروت کُئی نہ ڈیکھے
تیکوں کلہا ڈیکھنڑ چہنداں
سعید ثروت
No comments:
Post a Comment
Note: only a member of this blog may post a comment.