جدید پنجابی شاعری
دھیاں ورگیاں چھاواں
اسی دُھپاں نال ویاہیاں
ساڈا کیڑی دی ٹور
بنن والا داج
جیہدے وچ تسلیاں
عرضاں، مِنتاں
تے تھوڑی جئی آس وی
مائی نے بنھ کے رکھی سی
اوہ داج اُجاڑن والیاں نے
انج اُجاڑیا
جیویں اوہ ہے ای نئیں سی
کسے وی دل وچ
ساہڈے ما پیاں دی تَلی تے
دِلاسیاں والی مہندی
لان دی چاہ تک نئیں پُھٹی
ساڈے ما پے
ساڈے رب جئے ما پے
جیہڑے سکھنی تلی تے
کالے بدل مل کے
سدھراں والے مینہ وِچ
بِھجدے رہے
عثمان قریشی
No comments:
Post a Comment
Note: only a member of this blog may post a comment.