جدید پنجابی شاعری
یار اُتے اتبار تاں کرنا پوندا اے
اک ہتھوں سو واریں مرنا پوندا اے
تُو ای دس چا مینوں تاں کوئی اٹکل نہیں
دل اگے کیوں جان کے ہرنا پوندا اے
بُھل کریں ناں ویلے دے نال کھیڈن دی
ہاسے دا پھٹ عُمراں بھرناں پوندا اے
اکھاں متھے رکھن آلے بُھل جاندے
اہناں نُوں فر پیریں دھرنا پوندا اے
دل کیوں ڈھائی جانا ایں ویکھ کے ہتھاں نُوں
لیکھ لکیراں نُوں تے جرنا پوندا اے
یار سدا کیوں روناں ایں گزرے ویلے نُوں
اینا مُل تاں بُھل دا بھرنا پوندا اے
سدا عابدی
No comments:
Post a Comment
Note: only a member of this blog may post a comment.