جدید پنجابی شاعری
ڈریں نہ گُھپ ہنیرے توں
رکھیں آس سویرے توں
سچ نوں منزل لبھے نہ
رستے ٹیڑھے میڑھے توں
شاماں پین تے لُک جاندا
سورج ڈردا نھیرے توں
رو رو آئیاں یاداں نے
سوچ دے سنے ویھڑے توں
ویچ کے گائیاں لسّی دی
آس نہ رکھ وچھیرے توں
ہر نعمت مل جاندی اے
اک مولیٰ دے ڈیرے توں
کد مانی نکلیں گا؟
دو نیناں دے گھیرے توں
مانی
No comments:
Post a Comment
Note: only a member of this blog may post a comment.