جدید پنجابی شاعری
اپنے اکھر انج میں سجناں چنڈے نیں
بھانبڑ نیں پر برفاں وانگر ٹھنڈے نیں
اپنے گھر دے چانن دے لئی حاکم نیں
دیس میرے لئی خوب ہنیرے ونڈے نیں
خورے کیہڑا سبق پڑھایا مُلاں نے
کلمی دی تھاں بالاں دے ہتھ ڈنڈے نیں
آپوں کھان بٹیرے پر مزدوراں لئی
پسیاں مرچاں، سُکی روٹی، گنڈے نین
جنہاں دے لئی پُھل وچھائے انہاں نیں
ساڈے پیراں ہیٹھ کھلارے کنڈے نیں
اکوں دیس دے وسنیکاں دے ہتھاں وچ
وکھرو وکھری کس پھڑائے جھنڈے نیں
احمد سُکھ ہمیشہ ساتھ نبھاؤندا نئیں
دُکھ دے بہانے عمراں سیتی ویندے نیں
احمد چشتی
No comments:
Post a Comment
Note: only a member of this blog may post a comment.