گیت
چُپ دی واج سُنو
چُپ دی واج صرف عاشق دی رت سُنڑدی اے
یاں کھنڈراں دی چھت سنڑدی اے
یاں سپنی دی اکھ سنڑدی اے
چُپ دی واج سنو
ہنے جو ساوے رکھاں دے وچ وا بولی اے
ہنے جو پنچھی نے انبراں توں چھاں ڈولھی اے
ایہ میری چُپ ہی بولی اے
چُپ دی واج سنو
چُپ نوں سپنی دی اکھ واکن پیار کرو
چُپ نوں کھنڈراں واکن رل کے یاد کرو
چُپ دا قبراں واکن ہی ستکار کرو
تھل وچ آپنی چھاں سنگ رل کے سفر کرو
انھے کھوہ چوں ادھی راتیں ڈول بھرو
وگدی وا وچ بڈھے بوڑھاں ہیٹھ بہوو
پربت اپر اُگے ساوے حرف پڑھو
میری چُپ سنگ سو جنماں توں یاری اے
میں سپنی دی اکھ وچ عمر گزاری اے
چپ دی واج جسم بھوگن توں پیاری اے
چُپ دی واج سُنو
شو کمار بٹالوی
No comments:
Post a Comment
Note: only a member of this blog may post a comment.