جدید پنجابی شاعری
میں سی لایا سِدھے راہ تے
اوہ نہیں آیا سِدھے راہ تے
پیو دے آکھے نہیں سی ٹُریا
ماں دا جایا سِدھے راہ تے
اوہندا ای اوہ ویری ہویا
جنّے پایا سدھے راہ تے
آخر ہک دیہنہ لبھ ای جاندائے
نِگھا سایا سدھے راہ تے
اوہ ای اُس چ ڈگّے جنہاں
کھوہ کھٹایا سدھے راہ تے
سجّن بن کے متّھے لگیا
اک پرایا سدھے راہ تے
اوہنوں ستے خیراں جِنّے
سِر جُھکایا سِدھے راہ تے
نذیر عباس
No comments:
Post a Comment
Note: only a member of this blog may post a comment.