جدید پنجابی شاعری
کیوں دُھر دُھر پیا کریناں ایں ایہو جیہا ناں کر سلُوک میاں
تیرے ورگے خاکی بندے ہائیں نالے رب دی ہائیں مخلُوق میاں
تیرے ڈِھڈ دے وِچ اے اُچیائی دا پھوہڑا وچھیا لماں
ایہہ اگ دا بالن ہے شفقت ایہنوں تیلی لا تے پُھوک میاں
توئیں آونا نئیں ای مُڑ کے ہُن ناں پُچھاں مُڑ کے ویکھنا پر
دل دے کُھوہ دے وچوں تاں کیوں مُڑ مُڑ نکلے ہُوک میاں
ایہہ جُثہ تیرا جُثہ اے ایہدا ساڈا کُجھ نئیں چناں وے
ایہہ ساڈے بھانے مویا اے ایہنوں تیری لگ گئی سُوک میاں
چاہن دے جُرم دے وچ ای تاں پئے مینوں شریک مریندے ہن
تینوں ہاڑا ای رب رسولؐ دا ہُن کدی اُٹھ کے مار تاں شُوک میاں
شفقت اللہ مشتاق
No comments:
Post a Comment
Note: only a member of this blog may post a comment.