جدید پنجابی شاعری
سرکار جے چاہون تے کوئی دیر نئیں لگدی
روضے تے بلاون تے کوئی دیر نی لگدی
محبوبﷺ خدا دا جیویں مندا ای منا لے
اللہ نوں مناون تے کوئی دیر نئیں لگدی
کم ساڈا ہے گھر بار سدا رکھنا سجا کے
سرکار دے آون تے کوئی دیر نئیں لگدی
مل جاوے اجازت جدوں سرکار دے ولوں
دربار تے جاون تے کوئی دیر نئیں لگدی
سائل دے صدا کرن تے کجھ دیر ہے لگدی
پر خیرات دے آون تے کوئی دیر نئیں لگدی
لکھ وار کرے کوئی جتن بات نئیں بنڑدی
پر سرکار بناون تے کوئی دیر نئیں لگدی
افتخار حسین طاہر
No comments:
Post a Comment
Note: only a member of this blog may post a comment.