جدید پنجابی سرائیکی شاعری
روندے نِت وچارے لوکی
دُکھاں درداں مارے لوکی
نیڑے ہو کے سُن توں ربا
ماردے جیہڑے نعرے لوکی
بُھکھ توں جینا اوکھا ہویا
مارن سو، سو چارے لوکی
گھر وچ اپنے جُھمراں مارن
ویکھ کے عرش تے تارے لوکی
دُنیاں جِتن ٹُر پئے سی جو
آخر اک دن ہارے لوکی
عابد منہ دے مِٹھے جیہڑے
اندروں کِنے کھارے لوکی
عابد علیم سہو
No comments:
Post a Comment
Note: only a member of this blog may post a comment.