جدید پنجابی سرائیکی شاعری
تیرے ورد کریندائی ازلاں توں ہک پیار دا راٹھ پجاری
ودا غرض دی دار ت نچدا ہائی پل پل جہڑا چڑھدیا واری
جہڑا ساہ ساہ نال ہئی سکھ منگداں تیرے سر دے صدقے ڈیندائی
جینوں نکھڑ ک ہک پل جیونڑ وی ودھ موت توں یار ڈسیندائی
کدی سوچائی آخر تنگ آکے کیوں ہجر دے پھاہ چا گھدس
جہڑے چلدائی فقط اشاریاں تے کنجے وکھرے راہ چا گھدس
کیوں منکر تھئے او پیار کولوں دربار توں منہ کیوں موڑا ہس
جہڑا سوچ وی خالی ناہی سکداں کم ایہو جیا کنج کر چھوڑا ہس
احساس تاں کر بے رخیاں نال ہنی جذبے پاک لتاڑے
توحید پرست، پیروکار تیڈے، تیں جیندیاں ہن چا ساڑے
ساڈے ظرف دی کندھ بنڑ اولھا گئی تیری ذات ت حرف وی نہوں آیا
اساں ماتم کیتن ہائے ہائے دے قاتل دا ناں پر نہوں چایا
بے لوث عقیدت بدلے چن کیتا واہ سن نال انصاف ہئی
ونج قاتل میڈے جذبیاں دا اے سگواں قتل وی معاف ہئی
شعیب نواز
No comments:
Post a Comment
Note: only a member of this blog may post a comment.