پنجابی سرائیکی شاعری
بدن دی بھوئیں تیں اکھیں دے ساونڑ
کوں ترس آوے تاں نندر آوے
تیڈے نکھیڑے دے ہن تھکیڑے
خدا لہاوے تاں نندر آوے
کوئی فسانہ کوئی کہانی
سنڑوں ہا جانی تیڈی زبانی
تیڈی جوانی دی کوئی نشانی
غزل سنڑاوے تاں نندر آوے
اساں تاں سرمی دے پھل دے وانگوں
وٹا کے رنگت زمین چمسوں
او روح دا راجا سجاک دھرتی تے
پھیرا پاوے تاں نندر آوے
اجاں تاں سئیں دے ہجر دی پہلی
فجر ہے خادم اباہل نہ کر
فجر دے شامی سفیر سجھ کوں
سفر تھکاوے تاں نندر آوے
مصطفیٰ خادم
No comments:
Post a Comment
Note: only a member of this blog may post a comment.