جدید پنجابی شاعری
بھگت سنگھ ہوراں توں قربان جاواں
میں گیت اوہناں دے کاہتوں نہ گاواں
ایہ دھرتی دے ہیرو نیں سن لئو منادی
لڑی ہے سی ایہناں نے جنگ آزادی
بھگت سنگھ کر کے تیاری جو جنگی
آشیرباد ماں کولوں جا کے سی منگی
پتر نوں ماں اوہدی اگوں ایہ کہندی
میں تیرے لونی سی شگناں دی مہندی
میں تیرے چاء لاڈ کرنے سی پورے
میرے خواب رہ جانے و چے ادھورے
بھگت سنگھ سامان شگناں دا لے کے
کہیا ایہنے ماں نوں سی ایہ کول بہہ کے
کر لو جو منشاء وی کرنی اے پوری
کوئی دل دی حسرت نہ رہ جائے ادھوری
شگن کیتے، لائی مہندی بنھیا سی گانہ
آشیرباد ماں دے کے کیتا روانہ
انگریجاں دے جا اوہنے چھکے چھڑائے
راج گرو، سکھ دیو، جئے ساتھی بنائے
ختم کر کے طبقاتی ایہ جو سماج
سانجھاں دا چوہندا سی پے جائے رواج
انگریجاں نے اس نال کیتی نئیں گھٹی
جیل ایہنے جرأت دے نال ہے سی کٹی
چڑھے پھانسی ایہ سی آزادی دے لئی
سَن سی اکتی تے مارچ دی تیئی
دھرتی توں جِند واری پایا مقام
انقلابی نوں خاور جی رَتا سلام
عبدالستار خاور
No comments:
Post a Comment
Note: only a member of this blog may post a comment.